വാസ്തു ശാസ്ത്രം

വീട് - മുറികളുടെ സ്ഥാനം

വാസ്തു ശാസ്ത്രത്തിന്റെ പ്രധാന ഭാഗമാണ് ഗൃഹ വാസ്തു. പ്രപഞ്ചത്തില്‍ നിന്നും പ്രസരിക്കുന്ന വിവിധ തരംഗങ്ങള്‍ വീട്ടില്‍ ഉള്ളവരെ എങ്ങനെ സ്വാധീനിക്കും എന്ന് മനസ്സിലാക്കിയാണ് വാസ്തുവിലെ നിയമങ്ങള്‍ തയ്യാറാക്കിയിരിക്കുന്നത് . എല്ലാ മുറികളും വാസ്തു ശാസ്ത്രത്തിലെ ആയാദി ഷഡ്വര്‍ഗ നിയമം അനുസരിച്ച് വേണം തയ്യാറാക്കാന്‍ . ആധുനിക ശാസ്ത്രത്തില്‍ ഇല്ലാത്തതും , വാസ്തുവില്‍ ഉള്ളതുമായ ഒരേ ഒരു കാര്യം ആയാദി ഷഡ് വര്‍ഗമാണ്. പ്രധാന വാതിലിന്റെ നേരെ മുന്‍പിലായി മരമോ തൂണ് കളോ ഒന്നും വരരുത്. അത് വേധം ആയി വരും. പ്രത്യേകിച്ച് മാവ് വരരുത്. മരണം, സന്താന നാശം, ബന്ധനം എന്നിവ ഫലം.

കുളിമുറി - ശാസ്ത്രം അനുസരിച്ച് കുളിമുറി വീടിന്റെ കിഴക്ക് ഭാഗത്ത്‌, വടക്ക് ഭാഗത്തും ആകാം.

കിടപ്പുമുറി - യഥാര്‍ത്ഥത്തില്‍ നാം നമ്മുടെ ജീവിതത്തിന്റെ മൂന്നില്‍ ഒരു ഭാഗം സമയം ഉറങ്ങാനായ്‌ എടുക്കുന്നു. അതുകൊണ്ട് തന്നെ കിടപ്പ് മുറിക്ക് ഉണ്ടാകുന്ന വാസ്തു ദോഷം നമ്മളെ ബാധിക്കും എന്നതില്‍ തര്‍ക്കം ഇല്ല. പ്രധാന കിടപ്പ് മുറി വീടിന്റെ തെക്ക് പടിഞ്ഞാറ് ആയിരിക്കണം. ഒരിക്കലും തല വടക്ക് വച്ച് കിടക്കരുത്. തല തെക്ക് വച്ച് വേണം കിടക്കാന്‍ . അതുപോലെ വീടിന്റെ തെക്ക് കിഴക്ക് മുറിയിലും ദമ്പതിമാര്‍ കിടക്കരുത്. എന്നും കലഹം ആയിരിക്കും ഫലം. കിടപ്പ് മുറിയില്‍ വിലപിടിച്ച സാധനങ്ങള്‍ വയ്ക്കുന്ന അലമാര മുറിയുടെ തെക്ക് പടിഞ്ഞാറ് ഭാഗത്ത്‌ വടക്കോട്ട്‌ തുറക്കത്തക്ക തരത്തില്‍ വേണം വയ്ക്കുവാന്‍ .

കുട്ടികളുടെ പഠനമുറി - കുട്ടികളുടെ പഠനമുറി പടിഞ്ഞാറോ, കിഴക്കോ, വടക്കോ ആകാം. കോണ്‍ ദിക്കിലെ മുറികള്‍ ഒഴിവാക്കണം. മുറിയില്‍ മങ്ങിയ പച്ച വെളിച്ചം ഉണ്ടായാല്‍ അത് കുട്ടികളുടെ ബുദ്ധി ശക്തിയെ വളര്‍ത്തും. സരസ്വതി ദേവിയെയും, കൃഷ്ണ ഭഗവാനെയും പ്രാര്‍ത്ഥിക്കുന്നത്‌ പഠനത്തിനു നല്ലതാണ്.

അടുക്കള - വീടിന്റെ തെക്ക് കിഴക്ക് ഭാഗം ആണ് അടുക്കളക്ക് ഉചിതം. ഏക യോനിയോ ഗജ യോനിയോ ആവാം. കിഴക്ക് ഭാഗത്ത്‌ ജനല്‍ ഉണ്ടാവണം. വാതില്‍ കോണുകളില്‍ വരരുത്. ഫ്രിഡ്ജ്‌ വടക്ക് കിഴക്കും, തെക്ക് പടിഞ്ഞാറും ആവരുത്. പാചകം കിഴക്ക് നോക്കി ചെയ്യുവാന്‍ പറ്റണം. സ്ഥലം കൂടുതല്‍ ഉള്ളവര്‍ക്ക് അടുക്കള വേറിട്ടു പണിയാം. അങ്ങനെ ചെയ്യുമ്പോള്‍ വീടും അടുക്കളയും തമ്മിലുള്ള ദൂരം, ചുറ്റുമതിലും അടുക്കളയും തമ്മിലുള്ള ദൂരത്തേക്കാള്‍ കുറവായിരിക്കണം.

പൂജാമുറി - പൂജാമുറി വടക്ക് കിഴക്ക് ഭാഗത്തോ, കിഴക്ക് ഭാഗത്തോ, ബ്രഹ്മ സ്ഥാനത്തോ, വടക്ക് കിഴക്കിന്റെ കിഴക്കോ ആകാം. അതുകൊണ്ട് ധനവും മനസ്സമാധാനവും ലഭിക്കും. ദേവന്‍ പടിഞ്ഞാറ് നോക്കിയിരിക്കണം. കിഴക്കോട്ട് നോക്കി വേണം നമ്മള്‍ തൊഴാന്‍ . ദേവന്റെ വടക്ക് ദര്‍ശനവും നല്ലതാണ്. മറ്റു സ്ഥലങ്ങളിലെ പൂജാ മുറി നമുക്ക് അസ്വസ്ഥത നല്‍കും. മരിച്ചു പോയവരുടെ പടം പൂജാമുറിയില്‍ വയ്ക്കരുത്. പൂജാ സാധങ്ങള്‍ അല്ലാതെ മറ്റൊന്നും അവിടെ വയ്ക്കരുത്. വിഗ്രഹങ്ങളെ മുഖാമുഖം വക്കരുത്. പൂജാമുറിയില്‍ വിഗ്രഹങ്ങള്‍ വച്ച് പൂജിക്കരുത്. വീട്ടില്‍ രണ്ടു ശിവ ലിംഗങ്ങള്‍ , മൂന്നു ഗണപതി, രണ്ടു ശങ്കുകള്‍ ,മൂന്നു ദേവി പ്രതിമകള്‍ ,രണ്ടു സാളഗ്രാമങ്ങള്‍ എന്നിവ ഒരുമിച്ചു പൂജിക്കരുത്.

ചുരുക്കത്തില്‍ ഗുണപരമായ ഒരു വീട് വെക്കണം എങ്കില്‍ ഒരുപാട് കാര്യങ്ങള്‍ ശ്രദ്ധിക്കണം. ഈശ്വരാനുഗ്രഹം കൊണ്ട് മാത്രമേ വാസ്തു അനുസരിച്ചുള്ള ഒരു വീട് നമുക്ക് ലഭിക്കു. അതുകൊണ്ട് ഈശ്വരനോട് പ്രാര്‍ത്ഥിക്കുക . വീട് പണിയും മുന്‍പ് ജാതകം ഒന്ന് പരിശോധിക്കണം. അനുകൂല സമയം എങ്കില്‍ മാത്രമേ വീട് പണിക്കു തുടക്കം ഇടാവൂ. അതും നല്ല മുഹൂര്‍ത്തത്തില്‍ മാത്രം ചെയ്യണം. വര്‍ഷങ്ങളായി പണി തീരാത്ത വീടുകള്‍ നമ്മള്‍ കാണുന്നത് ആണല്ലോ.

ധര്‍മദേവതയെ പ്രാര്‍ത്ഥിക്കുന്നത് എല്ലാ കാര്യത്തിനും നല്ലതാണ്. ഒരു നല്ല വീട് ഉണ്ടാവാന്‍ ധര്‍മദേവതകള്‍ എല്ലാവരെയും അനുഗ്രഹിക്കട്ടെ.

രുദ്ര ശങ്കരന്‍
തിരുവന്തപുരം
ഫോണ്‍ : 9037820918, 9496779732
Email:rudrashankaran@gmail.com

വാസ്തു

കന്നിമൂലയും നിങ്ങളും

വാസ്തു എന്ന പദം ഇന്ന് ഏവര്‍ക്കും സുപരിചിതമാണല്ലോ. ഗൃഹ സംബന്ധമായതെല്ലാം വാസ്തു അനുസരിച്ച് വേണം എന്ന തരത്തില്‍ , ഏറെക്കുറെ ആളുകള്‍ എത്തിയിരിക്കുന്നു. നല്ലതു തന്നെ. വാസ്തുവിന് പ്രിയം ഏറിയതനുസരിച്ച്, വാസ്തു പുസ്തകങ്ങള്‍ക്കും, വാസ്തു ക്ലാസ്സുകള്‍ക്കും ഇന്ന് പ്രിയം ഏറിയിരിക്കുന്നു. അതും നല്ലതു തന്നെ. മഹത്തായ ഈ ശാസ്ത്രം ഗ്രഹിക്കാന്‍ കഴിയുന്ന തും, ഈ ശാസ്ത്രവിധിയനുസരിച്ച്, ഒരു ഗൃഹം നിര്‍മ്മിക്കാന്‍ കഴിയുന്നതും, പൂര്‍വ്വ പുണ്യമോ, തലമുറകളുടെ പുണ്യമോ ആണെന്നുള്ളതില്‍ തര്‍ക്കമില്ല . ഒരു ഗൃഹ നിര്‍മ്മാണത്തിന് ശേഷം, വാസ്തു പരിശോധന നടത്തേണ്ടിവരുന്നത് തികച്ചും ഭാഗ്യദോഷമാണ്. കാരണം ഭൂമി തിരഞ്ഞെടുക്കുന്നത് മുതല്‍ വാസ്തുവിന് പ്രാധാന്യം ഉണ്ട്. ഈശ്വരാനുഗ്രഹമുള്ളവര്‍ , ഭൂമി തിരഞ്ഞെടുക്കുമ്പോള്‍ മുതല്‍ വാസ്തുവിനെ ആശ്രയിക്കും. അക്കാര്യത്തിലും തര്‍ക്കമില്ല.

ഒരു പ്രധാനകാര്യം, ചുറ്റിത്തിരിക്കപ്പെട്ട, അല്ലെങ്കില്‍ കെട്ടിത്തിരിക്കപ്പെട്ട, ഒരു വസ്തുവില്‍ മാത്രമേ വാസ്തു ഉണ്ടാകുകയുളളു. ഭൂമിയുടെ ഉയര്‍ച്ച താഴ്ചകളനുസരിച്ചാണ് വാസ്തുവില്‍ ഭൂമിയുടെ പേരുകള്‍ നിശ്ചയിച്ചിരിക്കുന്നത്. തെക്ക് പടിഞ്ഞാറു വശം താഴ്ന്നും, വടക്കുകിഴക്ക് ഭാഗം ഉയര്‍ന്നും ഇരിക്കുന്ന ഭൂമിക്ക്, ഭൂതവിഥി എന്നാണ് നാമം. ഇത് സകലവിധ കാര്യനാശത്തിനും ഇടയാക്കും എന്നാണ് ശാസ്ത്രമതം. തെക്കു പടിഞ്ഞാറുവശമാണ് കന്നിമൂല. നമ്മുടെ പ്രതിപാദ്യവിഷയവും കന്നിമൂലയാണ്.

ഏറ്റവും ശക്തിയേറിയ ദിക്കാണിത്. മറ്റ് ഏഴ് ദിക്കുകള്‍ക്കും ദേവന്മാരെ നിശ്ചയിച്ച ശാസ്ത്രം ഈ ദിക്കിന് മാത്രമാണ്, ഒരസുരനെ, അധിപനായി നിശ്ചയിച്ചത്. ഗുണമായാലും, ദോഷമായാലും, ഈ ദിക്കില്‍ നിന്നുള്ള ഫലം വളരെപ്പെട്ടെന്ന് അനുഭവവേദ്യമാകും. അതുകൊണ്ട്, ഈ ദിക്ക് തുറസ്സായി ഇടുന്നത് നല്ലതല്ല. കുളമോ, കിണറോ, കുഴിയോ ഒന്നും തന്നെ ഈ ദിക്കില്‍ വരാന്‍ പാടില്ല.

കന്നിമൂലയ്ക്കുണ്ടാകുന്ന കുഴപ്പങ്ങള്‍
ഗൃഹവാസികളുടെ മാന്യത, ധനം ഇവയ്ക്കു ദോഷമുണ്ടാക്കുകയും, മദ്യം, മയക്കുമരുന്ന്, ലഹരി പദാര്‍ത്ഥങ്ങള്‍ക്ക് അടിമപ്പെടുക, കുടുംബത്തകര്‍ച്ചയുണ്ടാകുക എന്നിവയ്ക്ക് കാരണമാകും. വളരെ പ്രധാനപ്പെട്ട ദോഷം, ആ വീട്ടിലെ സന്താനങ്ങള്‍ക്ക് ഗതിയില്ലാതെ വരിക എന്നതാണ്. കുട്ടികള്‍ എത്ര വിദ്യാഭ്യാസം ഉണ്ടായാലും, തൊഴില്‍ ലഭിക്കാതിരിക്കുക, വഴിതെറ്റുക എന്നിവയാണ്.

പ്രപഞ്ചത്തിലെ രണ്ടു ഗുണപരമായ ഊര്‍ജ്ജങ്ങളില്‍ ഒന്ന് കിഴക്കു നിന്നും തുടങ്ങി പടിഞ്ഞാറ് അവസാനിക്കുന്നു. മറ്റൊന്ന് വടക്കുനിന്നും തുടങ്ങി തെക്ക് അവസാനിക്കുന്നു. അപ്പോള്‍ രണ്ടു ഊര്‍ജ്ജങ്ങളുടേയും അവസാനം പടിഞ്ഞാറും തെക്കും ആകുന്നു. ഈ രണ്ടു ദിക്കിന്റേയും മൂലയാണ് കന്നിമൂല. ഇതില്‍ നിന്നും കന്നിമൂലയുടെ പ്രാധാന്യവും ദോഷവും മനസ്സിലാക്കാമല്ലൊ. പ്രപഞ്ച പുരുഷനായ വാസ്തുപുരുഷന്റെ ശയനസ്ഥിതി ഒന്നു പരിശോധിക്കാം. വാസ്തുപുരുഷന്‍ വടക്കുകിഴക്ക് തലയും, തെക്ക് പടിഞ്ഞാറ് കാലുമായാണ് ശയിക്കുന്നത് (കന്നിമൂലയില്‍ ). അതുകൊണ്ട് കന്നിമൂലയ്ക്കുണ്ടാകുന്ന ദോഷങ്ങള്‍ ഗൃഹവാസികള്‍ക്ക് കാല് സംബന്ധിച്ച ദുരിതങ്ങള്‍ സമ്മാനിക്കുന്നു.

ഗൃഹാരംഭ പ്രവര്‍ത്തനങ്ങളുടെ തുടക്കം തന്നെ കന്നിമൂലയില്‍ നിന്നും ആണല്ലൊ. പ്രഥമ സ്തംഭ ന്യാസം കന്നിയിലാവണം എന്നും ഉണ്ട്. ഇക്കാര്യത്തില്‍ ചില അഭിപ്രായഭിന്നതകള്‍ ഉണ്ട്. ബ്രഹ്മപദത്തിന്റെ കന്നിയില്‍ കുറ്റിവയ്ക്കാം എന്ന് ഒരു ശാസ്ത്രഗ്രന്ഥത്തില്‍ ഉണ്ട് . അതായിരിക്കാം കന്നിയിലെ കുറ്റി പ്രാധാന്യം. എന്തുതന്നെയായാലും യാതൊരു കാരണവശാലും വീടുകളില്‍ കന്നിക്കിണ്ണര്‍ പാടില്ല. കന്നിമൂല തുറന്നു കിടക്കരുത്. സ്ത്രീസ്വഭാവംപോലും കന്നികൊണ്ട് പറയാം. കുട്ടികളുടെ രക്ഷയോര്‍ത്തെങ്കിലും കന്നി സംരക്ഷിച്ചത് ജീവിതം പ്രപഞ്ചതാളത്തിലാക്കുവാന്‍ എല്ലാവരേയും ഈശ്വരന്‍ അനുഗ്രഹിക്കട്ടെ.

ആത്മാവിന്റെ നിലനില്‍പ്പിന് , ശരീരം ആവശ്യമായതുപോലെ മനുഷ്യശരീരത്തിന്റെ സുരക്ഷിതത്വത്തിന് ആഹാരം കഴിഞ്ഞാല്‍ പ്രധാനമായി ആവശ്യമായുള്ളത് ഒരു വീടാണ് . ആ വീട്ടില്‍ സുഖമായി ജീവിക്കുകയാണല്ലോ ഏതൊരാളിന്റെയും താല്‍പ്പര്യം. അത് നടക്കണമെങ്കില്‍ വാസ്തു കൂടിയേതീരൂ. ബ്രഹ്മാണ്ഡത്തില്‍ വ്യാപിച്ചുകിടക്കുന്ന മഹാശക്തിതന്നെയാണ് മനുഷ്യനിലും മനുഷ്യന്‍ താമസിക്കുന്ന വസ്തുവിലും അടങ്ങിയിരിക്കുന്നത്. ഇവ പരസ്പരം പൊരുത്തപ്പെട്ടുപോകുന്നതാണ് ആ വീട്ടിലെ ജീവിതം സുസ്ഥിരമായി പോവുക എന്നു പറയുന്നത്.

വാസ്തുശാസ്ത്രമനുസരിച്ച് പണ്ട് നിര്‍മ്മിക്കപ്പെട്ടിട്ടുള്ള പല കൊട്ടാരങ്ങളും ക്ഷേത്രങ്ങളും, എന്തിനേറെ ഏത് ഉണങ്ങിയ കാലാവസ്ഥയില്‍ പോലും ജലം ലഭിക്കുന്ന എത്ര കിണറുകള്‍ ഇന്നും വിസ്മയമായി തുടരുന്നു. പ്രപഞ്ചത്തിലെ നാലുദിക്കില്‍ നിന്നും പുറപ്പെടുന്ന പ്രപഞ്ചശക്തിയെ എങ്ങനെ മനുഷ്യ ശക്തിയുമായി സമന്വയിപ്പിക്കാം എന്നതാണ് വാസ്തുവിലെ പ്രതിപാദ്യം.

ആധുനിക വാസ്തു സിദ്ധാന്തം, ഗൃഹത്തിനു ജീവനില്ല , വാസ്തു പുരുഷനില്ല, ഗൃഹകാര്യങ്ങള്‍ക്ക് മുഹൂര്‍ത്തം നോക്കണ്ട, വാസ്തുദോഷം എന്നൊന്നില്ല അതുകൊണ്ടുതന്നെ പരിഹാരം എന്നത് ആവശ്യമില്ല എന്ന് പറയുമ്പോള്‍ ഭാരതീയ വാസ്തുശാസ്ത്രം ഉറപ്പിച്ചുപറയുന്നു, ഗൃഹത്തിന് ജീവനുണ്ട്, ഗൃഹം മനുഷ്യനെ സ്വാധീനിക്കുന്നു, വാസ്തുപുരുഷ സങ്കല്‍പ്പം അതിപ്രധാനമാണ്. വാസ്തു ദേവതകളുടെ അനുഗ്രഹമില്ലെങ്കില്‍ അവിടുത്തെ ജീവിതത്തിന് ശാന്തിയും, സമാധാനവും ലഭിക്കുകയില്ല. അതുകൊണ്ട് ഭാരതീയ വാസ്തു ശാസ്ത്രത്തില്‍ ഉറച്ചുനിന്ന് വേണം ഒരു ഗൃഹം പണിയുവാന്‍ .

ഈശ്വരേശ്ച ഇല്ലാതെ ഒരു വീട് നമുക്ക് ലഭിക്കുകയില്ല. ആയതിനാല്‍ , ഒരു വീടിനായി ഭഗവാനോട് പ്രാര്‍ത്ഥിക്കുക. ആ പ്രാര്‍ത്ഥനയുടെ താളം ശരിയായ അര്‍ത്ഥത്തിലാണെങ്കില്‍ ഭാരതീയ വാസ്തുശാസ്ത്രപരമായ ഒരു വീട് നിങ്ങള്‍ക്കും ലഭിക്കും.

രുദ്ര ശങ്കരന്‍
തിരുവന്തപുരം
ഫോണ്‍ : 9037820918, 9496779732
Email:rudrashankaran@gmail.com

വാസ്തു

വാസ്തുവില്‍ ശ്രദ്ധിക്കേണ്ട കാര്യങ്ങള്‍

വീട് നിര്‍മ്മിക്കാന്‍ തീരുമാനിച്ച സ്ഥലത്തെ ദീര്‍ഘ ചതുരാകൃതിയില്‍ ആക്കണം. ആ ചതുരത്തില്‍ പരമാവധി വലിയ ഒരു വൃത്തം വരച്ചാല്‍ അതിനെ നാഗസൂത്രം എന്ന് വിളിക്കാം. ഈ നാഗസൂത്രത്തില്‍ കിണര്‍ , മറ്റു ശാലകള്‍ ഒന്നും തന്നെ വരരുത്. അങ്ങനെ വന്നാല്‍ അവിടെ ജീവിക്കുന്നവര്‍ക്ക് നാഗഭയം ഉണ്ടാകും.

ഇവിടെ പ്രതിപാദ്യ വിഷയം ദ്വിശാലാ ഗൃഹങ്ങള്‍ ആണ്. അതായത് രണ്ടു വീടുകള്‍ . ഒന്നു കൂടി വിശദീകരിച്ചാല്‍ പ്രധാനഗൃഹം പണിഞ്ഞതിനു ശേഷം വരുന്ന എക്സ്റ്റെന്‍ഷന്‍

ചതുരീകരിച്ച വസ്തുവില്‍ , അതിന്റെ മധ്യഭാഗത്തിനെ ബ്രഹ്മനാഭി എന്നു വിളിക്കാം. പഴയ കാലത്ത് നാലുകെട്ടിന്റെ നടുമുറ്റം വരുന്നത് ബ്രഹ്മനാഭിയിലാണ് . ഈ ബ്രഹ്മനാഭിയുടെ നാലുഭാഗത്തായാണ് ഒരോ ശാലകള്‍ വരുന്നത്.

ബ്രഹ്മനാഭിയുടെ പടിഞ്ഞാറു ഭാഗത്ത് കിഴക്കോട്ടു ദര്‍ശനമായി വരുന്ന വീടാണു പടിഞ്ഞാറ്റിനി ( ദര്‍ശനം, കിഴക്കോട്ട് ) ഈ പടിഞ്ഞാറ്റിനിക്ക് ഒരു എക്സ്റ്റെന്‍ഷന്‍ വേണമെങ്കില്‍ അത് ആ വീടിന്റെ തെക്ക് പടിഞ്ഞാറു മൂലയില്‍ നിന്നും കിഴക്കോട്ട് വേണം നിര്‍മ്മിക്കാന്‍ . ആയത് വാസ്തു വിധിയാണ്. അതല്ലാതെ പടിഞ്ഞാറ്റിനിയ്ക്ക് ഒരു എക്സ്റ്റെന്‍ഷന്‍ ഉണ്ടായാല്‍ അതു വാസ്തു വിധിയ്ക്ക് എതിരാകും. അതായത് ഇപ്പോള്‍ നടത്തിയ എക്സ്റ്റെന്‍ഷന്‍ വീടിന്റെ വടക്ക് ഭാഗത്ത് നിന്നും കിഴക്കോട്ടായാല്‍ അത് മരണഫലത്തെ തരുന്നതാണ് .

ചതുരികരിച്ച ഭുമിയില്‍ ബ്രഹ്മനാഭിയുടെ കിഴക്കു വശത്ത് പടിഞ്ഞാറു അഭിമുഖമായും, ബ്രഹ്മനാഭിയുടെ പടിഞ്ഞാറു കിഴക്ക് അഭിമുഖമായും രണ്ടു വീടുകള്‍ വന്നാല്‍ , അതിനെ രണ്ടിനെയും ഒരു പാത്തി കൊണ്ട് ബന്ധിപ്പിച്ചാല്‍ അതു ശുഭകരമാണ് . അത് ധനലാഭവും ഐശ്വര്യവും നല്‍കും. പക്ഷെ ബന്ധിപ്പിച്ചിരിക്കണം.

ഇതുപോലെ ബ്രഹ്മനാഭിയുടെ വടക്ക് വശത്ത് തെക്കഭിമുഖമായും, തെക്ക് വശത്ത് വടക്കഭിമുഖമായും രണ്ടു ശാലകള്‍ വരുകയും, അവയെ ഒരു പാത്തി കൊണ്ട് ബന്ധിപ്പിച്ചാല്‍ , അവിടെ സദാ കലഹമുണ്ടാകും.

തെക്ക് വടക്ക് നില്‍ക്കുന്ന ഒരു വീടിന്റെ വടക്ക് ഭാഗത്ത് നിന്നും, പടിഞ്ഞാറേയ്ക്ക് ഒരു എക്സ്റ്റെന്‍ഷന്‍ നടത്തിയാല്‍ അവിടെ പാര്‍ക്കുന്നവരെ, സദാ ഭയം അലട്ടിക്കൊണ്ടിരിക്കും. വാതരോഗങ്ങളും ഉണ്ടാക്കും.

ഇതേ വീടിന്റെ തെക്ക് നിന്നും പടിഞ്ഞാറേയ്ക്ക് എക്സ്റ്റെന്‍ഷന്‍ ആയാലൊ അത് ഐശ്വര്യക്കേടിനു കാരണമാകും.

ഇനി എക്സ്റ്റെന്‍ഷന്‍ ചെയ്യുന്നതിലും ചില പ്രധാന കാര്യങ്ങള്‍ ശ്രദ്ധിക്കണം. (1) ചെയ്യാവുന്ന സ്ഥലത്താണൊ എക്സ്റ്റെന്‍ഷന്‍ എന്നും (2) ആരൂഡപ്പുരയുടെ (പ്രധാന ഗൃഹത്തിന്റെ) അത്ര തന്നെ പൊക്കം ഉണ്ടായിരിക്കണം (3) എക്സ്റ്റെന്‍ഷന്‍ മുന്‍ പറഞ്ഞ ബ്രഹ്മനാഭി കഴിഞ്ഞിരിക്കണം (4) എന്നാല്‍ നാഗ സൂത്രത്തില്‍ ആവുകയും അരുത്.

ഭാരതീയ വാസ്തു അനുസരിച്ച് ഒരു വീട് കിട്ടുക എന്നത് ഒരു പുണ്യമാണ്. ഒരു വീടുണ്ടാകാന്‍ താഴെപ്പറയുന്ന മന്ത്രവും ഉപകരിക്കും.

ഓം അനുഗ്രഹ രൂപായ വിദ്മഹേ
ഭുമി പുത്രായ ധീമഹി
തന്നോ വാസ്തു പുരുഷ പ്രചോദയാത്.

ഏവര്‍ക്കും ദോഷമില്ലാത്ത ഭുമിയും, വാസ്തു അനുസരിച്ചുള്ള ഒരു ഗൃഹവും ലഭിക്കട്ടെയെന്ന് ജഗദീശ്വരനോട് പ്രാര്‍ഥിച്ചു കൊണ്ട്.

രുദ്ര ശങ്കരന്‍
തിരുവന്തപുരം
ഫോണ്‍ : 9037820918, 9496779732
Email:rudrashankaran@gmail.com

വാസ്തു

വാസ്തു പുരുഷ ശയന സ്ഥിതി

വാസ്തു ശാസ്ത്രത്തിലെ അടിസ്ഥാന സങ്കൽപമാണ് വാസ്തു പുരുഷൻ. വസ്തു എത്ര ചെറുതായി ഇരുന്നാലും, വലുതായാലും, അത് നാല് ചുവരുകളാൽ വേർതിരിക്കപ്പെട്ടാൽ അതിനെ നിയന്ത്രിക്കുന്ന ഒരു വാസ്തുപുരുഷൻ ഉണ്ടാവും. വെള്ളം നിറച്ചു വച്ചിരിക്കുന്ന വിവിധ പാത്രങ്ങളിൽ എല്ലാം ചന്ദ്രനെ കാണുന്നതുപോലെ, വേർതിരിക്കപ്പെട്ട എല്ലാ വസ്തുവിലും വാസ്തു പുരുഷൻ ഉണ്ട്.

വാസ്തുപുരുഷന്റെ ശയനസ്ഥിതി വേണ്ടവിധം മനസ്സിലാക്കിയാൽ മാത്രമേ നമുക്ക് വാസ്തുവിൽ നിർമ്മാണ പ്രവര്‍ത്ത നംസുഗമമായി നടത്തുവാൻ സാധിക്കൂ. വിവിധ കഥകളിലൂടെ ആണ് വാസ്തുപുരുഷ ഉല്പത്തി വിവരിച്ചിരിക്കുന്നത്. എങ്കിലും, അര്‍ത്ഥത്തിൽ അതിന്റെ ഉപയോഗം ഒരു തരത്തിൽ തന്നെയാണ്.

വാസ്തുപുരുഷൻ എന്ന സങ്കല്പം ഉപയോഗിച്ച് വസ്തുവിനെ ക്രമീകരിച്ചാൽ ആ വസ്തു യഥാര്‍ത്ഥത്തിൽ വാസ്തു ആയി രൂപപ്പെടുന്നു. പുരുഷൻ എന്നാൽ പുരിയിൽ ശയിക്കുന്നവൻ എന്നര്‍ത്ഥം. വാസ്തു പുരുഷ ശരീരത്തെ വസ്തുവിൽ അടക്കി ഒതുക്കി നിർത്തുക എന്നതാണ് ക്രമീകരണം. ഗീതയിൽ, വ്യാസ മഹർഷി പ്രപഞ്ചസാരത്തെ ഒതുക്കി നിർത്തിയതുപോലെ.

വാസ്തു പുരുഷ ശയന സ്ഥിതി 3 തരത്തിൽ ആണ്. 1. സ്ഥിര വാസ്തു 2. ചര വാസ്തു 3. നിത്യ വാസ്തു. ഈ മൂന്ന് സ്ഥിതികളും മനസ്സിൽ ആക്കിയാൽ മാത്രമേ നമുക്ക് വാസ്തു എന്ന സങ്കൽപം പ്രാവർത്തികം ആക്കാൻ സാധിക്കു.

സ്ഥിര വാസ്തു : ഇതിൻ പ്രകാരം വാസ്തു പുരുഷൻ വടക്ക് കിഴക്ക് [ മീനം ] തല വച്ച് ,കാലുകൾ തെക്കുപടിഞ്ഞാറു [നിര്യതി ]മായും, കൈ മുട്ടുകളും കാൽ മുട്ടുകളും തെക്ക് കിഴക്ക് [അഗ്നി ], വടക്കുപടിഞ്ഞാറ് [വായു ]മായി കമിഴ്ന്നു കിടക്കുന്നു. ഒരു വസ്തുവിൽ വാസ്തുപുരുഷ ശയനം ആദ്യം ഇത്തരത്തിൽ കാണണം. ഏതു വസ്തുവിലും വാസ്തു പുരുഷ സ്ഥിതി ഇതാണ്. അങ്ങനെ എങ്കിൽ ഈ സ്ഥിതിയിൽ അനുകൂലമായ സ്ഥാനത്ത് മാത്രമല്ലെ വീട് ഉണ്ടാക്കുവാൻ പറ്റു. അപ്പോൾ പരിമിതികൾ ഒരുപാട് കൂടും. അതുകൊണ്ട് മേൽപ്പറഞ്ഞ രീതിയിൽ വസ്തു കണ്ടാൽ, വസ്തു ദീർഘ ചതുരം ആണോ എന്ന് മനസ്സിലാക്കണം. അങ്ങനെ അല്ല എങ്കിൽ വാസ്തുപുരുഷ അവയവത്തിനു ഭംഗം വരുമല്ലോ. ഉദാ; നിര്യതി കോണില്ലയെങ്കിൽ വാസ്തുപുരുഷന്റെ കാൽ ഇല്ലല്ലോ. അത് ദോഷമായി വരും. ശേഷം വസ്തു തിരഞ്ഞു എടുത്താൽ വാസ്തു പുരുഷ ശയന സ്ഥിതി ചര വാസ്തു പ്രമാണം അനുസരിച്ച് സ്ഥാനം കാണണം.

ചരവാസ്തു : വാസ്തുപുരുഷൻ എല്ലാ മാസവും, തൻമാസ സ്ഥാനത് കാലുകൾ വച്ച് ,അതിന്റെ ഏഴാം രാശിയിൽ തല വച്ച് കിടക്കുന്നു. തല ഇടത്തോട്ടു വച്ചാണ് സ്ഥിതി. ഉദാ;മേട മാസത്തിൽ കാലു മേടത്തിലും തല അതിന്റെ ഏഴാം രാശിയായ തുലാത്തിലും ആവും. ഇടത്തോട്ടു തല വച്ചിരിക്കുന്നത് കൊണ്ട് അദ്ദേഹത്തിന്റെ ദൃഷ്ടി ,വൃച്ചികം ,ധനു ,[ ധനു കോണ്‍ മാസം ആയതിനാൽ എടുക്കില്ല ] മകരം ,കുംഭം എന്നീ രാശികളിൽ പതിയുമല്ലോ. അങ്ങനെ വാസ്തു പുരുഷ ദൃഷ്ട്ടി പതിയുന്ന സ്ഥാനത്ത് വേണം നിർമാണം ആരംഭിക്കാൻ.

മേടം ,ഇടവം [കിഴക്ക്], മിഥുനം [തെക്കുകിഴക്ക്‌ ]
കർക്കിടകം ,ചിങ്ങം [തെക്ക് ] , കന്നി [തെക്കുപടിഞ്ഞാറു ]
തുലാം ,വൃചികം [പടിഞ്ഞാറ് ] ധനു [വടക്കുപടിഞ്ഞാറ് ]
മകരം,കുംഭം [വടക്ക്] മീനം [വടക്ക് കിഴക്ക് ]

ഇങ്ങനെ ആണ് നമുക്ക് ചുറ്റും ഉള്ള സ്ഥലത്തെ രാശികളായി തിരിച്ചിരിക്കുന്നത് . ഇതും കൂടി മനസ്സിലാക്കിയാൽ മേൽപ്പറഞ്ഞവ എളുപ്പത്തിൽ മനസ്സിൽ ആവും പന്ത്രണ്ടു രാശികൾ ആയി പറഞ്ഞത് തന്നെയാണ് പന്ത്രണ്ട് മാസങ്ങളും. അവയിൽ കോണ്‍ മാസങ്ങളായ, അഥവാ രാശികളായ, മിഥുനം, കന്നി, ധനു, മീനം എന്നിവകളിൽ, നിർമ്മാണ പ്രവർത്തനങ്ങൾ ആരംഭിക്കരുത്.

വാസ്തുശാസ്ത്രം ഇന്ന് പ്രചുര പ്രചാരം നേടിക്കൊണ്ടിരിക്കുകയാണ്. നല്ലത് തന്നെ. അത് സാധാരണക്കാരന് അപകടം ആവരുത്, എന്നത് മാത്രം ആണ് പ്രാര്‍ത്ഥന. കാരണം ഭാരതീയ വിജ്ഞാനങ്ങളുടെ അടിസ്ഥാനം അതീന്ദ്രീയ ദർശനങ്ങൾ ആണ്. ജനനന്മയ്ക്കു വേണ്ടി ആണ് അത് നിർമിക്കപ്പെട്ടിട്ടുള്ളത്‌. ജ്യോതിഷവും, വാസ്തുവും, വേദങ്ങളും എല്ലാം അതിന് ഉദാഹരണങ്ങൾ ആണ്. എന്നാൽ ഇക്കാലത്തെ ചില മുടിപിടിച്ച സംവാദങ്ങൾ കേൾക്കുമ്പോൾ ഭയം തോന്നുന്നു. ആരെക്കയോ, മഹത്തായ ഈ ശാസ്ത്രങ്ങൾ നമുക്ക് തന്നവരെക്കാൾ വലുതാവാൻ ശ്രമിക്കുന്നത് പോലെ, ആരെക്കയോ ഈ ശാസ്ത്രങ്ങൾ ഇല്ലാതാക്കാൻ ശ്രമിക്കുന്നത് പോലെ.

ധാർമികൊ വിഗത മത്സരാധികോ എന്ന പ്രമാണം അവർ മറക്കാതെ ഇരിക്കട്ടെ എന്നും 'രസിച്ചീടണം ഇതു കേട്ട് ഭക്തന്മാർ, പരിഹസിച്ചിടിലതും ദുരിത നാശനം' എന്ന കവിവാക്യവും സ്മരിച്ചു കൊണ്ട്

രുദ്ര ശങ്കരന്‍
തിരുവന്തപുരം
ഫോണ്‍ : 9037820918, 9496779732
Email:rudrashankaran@gmail.com

വാസ്തു

വാസ്തുവില്‍ ശ്രദ്ധിക്കേണ്ട കാര്യങ്ങള്‍

വീട് നിര്‍മ്മിക്കാന്‍ തീരുമാനിച്ച സ്ഥലത്തെ ദീര്‍ഘ ചതുരാകൃതിയില്‍ ആക്കണം. ആ ചതുരത്തില്‍ പരമാവധി വലിയ ഒരു വൃത്തം വരച്ചാല്‍ അതിനെ നാഗസൂത്രം എന്ന് വിളിക്കാം. ഈ നാഗസൂത്രത്തില്‍ കിണര്‍ , മറ്റു ശാലകള്‍ ഒന്നും തന്നെ വരരുത്. അങ്ങനെ വന്നാല്‍ അവിടെ ജീവിക്കുന്നവര്‍ക്ക് നാഗഭയം ഉണ്ടാകും.

ഇവിടെ പ്രതിപാദ്യ വിഷയം ദ്വിശാലാ ഗൃഹങ്ങള്‍ ആണ്. അതായത് രണ്ടു വീടുകള്‍ . ഒന്നു കൂടി വിശദീകരിച്ചാല്‍ പ്രധാനഗൃഹം പണിഞ്ഞതിനു ശേഷം വരുന്ന എക്സ്റ്റെന്‍ഷന്‍

ചതുരീകരിച്ച വസ്തുവില്‍ , അതിന്റെ മധ്യഭാഗത്തിനെ ബ്രഹ്മനാഭി എന്നു വിളിക്കാം. പഴയ കാലത്ത് നാലുകെട്ടിന്റെ നടുമുറ്റം വരുന്നത് ബ്രഹ്മനാഭിയിലാണ് . ഈ ബ്രഹ്മനാഭിയുടെ നാലുഭാഗത്തായാണ് ഒരോ ശാലകള്‍ വരുന്നത്.

ബ്രഹ്മനാഭിയുടെ പടിഞ്ഞാറു ഭാഗത്ത് കിഴക്കോട്ടു ദര്‍ശനമായി വരുന്ന വീടാണു പടിഞ്ഞാറ്റിനി ( ദര്‍ശനം, കിഴക്കോട്ട് ) ഈ പടിഞ്ഞാറ്റിനിക്ക് ഒരു എക്സ്റ്റെന്‍ഷന്‍ വേണമെങ്കില്‍ അത് ആ വീടിന്റെ തെക്ക് പടിഞ്ഞാറു മൂലയില്‍ നിന്നും കിഴക്കോട്ട് വേണം നിര്‍മ്മിക്കാന്‍ . ആയത് വാസ്തു വിധിയാണ്. അതല്ലാതെ പടിഞ്ഞാറ്റിനിയ്ക്ക് ഒരു എക്സ്റ്റെന്‍ഷന്‍ ഉണ്ടായാല്‍ അതു വാസ്തു വിധിയ്ക്ക് എതിരാകും. അതായത് ഇപ്പോള്‍ നടത്തിയ എക്സ്റ്റെന്‍ഷന്‍ വീടിന്റെ വടക്ക് ഭാഗത്ത് നിന്നും കിഴക്കോട്ടായാല്‍ അത് മരണഫലത്തെ തരുന്നതാണ് .

ചതുരികരിച്ച ഭുമിയില്‍ ബ്രഹ്മനാഭിയുടെ കിഴക്കു വശത്ത് പടിഞ്ഞാറു അഭിമുഖമായും, ബ്രഹ്മനാഭിയുടെ പടിഞ്ഞാറു കിഴക്ക് അഭിമുഖമായും രണ്ടു വീടുകള്‍ വന്നാല്‍ , അതിനെ രണ്ടിനെയും ഒരു പാത്തി കൊണ്ട് ബന്ധിപ്പിച്ചാല്‍ അതു ശുഭകരമാണ് . അത് ധനലാഭവും ഐശ്വര്യവും നല്‍കും. പക്ഷെ ബന്ധിപ്പിച്ചിരിക്കണം.

ഇതുപോലെ ബ്രഹ്മനാഭിയുടെ വടക്ക് വശത്ത് തെക്കഭിമുഖമായും, തെക്ക് വശത്ത് വടക്കഭിമുഖമായും രണ്ടു ശാലകള്‍ വരുകയും, അവയെ ഒരു പാത്തി കൊണ്ട് ബന്ധിപ്പിച്ചാല്‍ , അവിടെ സദാ കലഹമുണ്ടാകും.

തെക്ക് വടക്ക് നില്‍ക്കുന്ന ഒരു വീടിന്റെ വടക്ക് ഭാഗത്ത് നിന്നും, പടിഞ്ഞാറേയ്ക്ക് ഒരു എക്സ്റ്റെന്‍ഷന്‍ നടത്തിയാല്‍ അവിടെ പാര്‍ക്കുന്നവരെ, സദാ ഭയം അലട്ടിക്കൊണ്ടിരിക്കും. വാതരോഗങ്ങളും ഉണ്ടാക്കും.

ഇതേ വീടിന്റെ തെക്ക് നിന്നും പടിഞ്ഞാറേയ്ക്ക് എക്സ്റ്റെന്‍ഷന്‍ ആയാലൊ അത് ഐശ്വര്യക്കേടിനു കാരണമാകും.

ഇനി എക്സ്റ്റെന്‍ഷന്‍ ചെയ്യുന്നതിലും ചില പ്രധാന കാര്യങ്ങള്‍ ശ്രദ്ധിക്കണം. (1) ചെയ്യാവുന്ന സ്ഥലത്താണൊ എക്സ്റ്റെന്‍ഷന്‍ എന്നും (2) ആരൂഡപ്പുരയുടെ (പ്രധാന ഗൃഹത്തിന്റെ) അത്ര തന്നെ പൊക്കം ഉണ്ടായിരിക്കണം (3) എക്സ്റ്റെന്‍ഷന്‍ മുന്‍ പറഞ്ഞ ബ്രഹ്മനാഭി കഴിഞ്ഞിരിക്കണം (4) എന്നാല്‍ നാഗ സൂത്രത്തില്‍ ആവുകയും അരുത്.

ഭാരതീയ വാസ്തു അനുസരിച്ച് ഒരു വീട് കിട്ടുക എന്നത് ഒരു പുണ്യമാണ്. ഒരു വീടുണ്ടാകാന്‍ താഴെപ്പറയുന്ന മന്ത്രവും ഉപകരിക്കും.

ഓം അനുഗ്രഹ രൂപായ വിദ്മഹേ
ഭുമി പുത്രായ ധീമഹി
തന്നോ വാസ്തു പുരുഷ പ്രചോദയാത്.

ഏവര്‍ക്കും ദോഷമില്ലാത്ത ഭുമിയും, വാസ്തു അനുസരിച്ചുള്ള ഒരു ഗൃഹവും ലഭിക്കട്ടെയെന്ന് ജഗദീശ്വരനോട് പ്രാര്‍ഥിച്ചു കൊണ്ട്.

രുദ്ര ശങ്കരന്‍
തിരുവന്തപുരം
ഫോണ്‍ : 9037820918, 9496779732
Email:rudrashankaran@gmail.com